UTHURIMI WA MUTARATARA WA NYOTA GUTABANIA ICIGO CIOTHE CIA UBUNGE UMUTHIO
Written by Kayu Digital Team on October 24, 2025
- NAIROBI & ENVIRONS 91.0 | MT KENYA REGION 91.1FM
Thirikari ni itanyitwo kwarukana na mutaratara wa gukurana mbeu njithi 100,000 aria megukorwo makihurwo njeki na kimanjika gia ciringi ngiri 50 oro mundu kugerera mutaratara wa NYOTA muthenya wa umuthi guothe bururi-ini.
Ni mutaratara president William Ruto augite ugutabanio icigo ciothe cia ubunge 290 niguo gukurana aria maikitie mahoya maya kuuma kuuma wuikaro wao, gikiro kia mathomo, wira uria marutaga, gukurana aria mari na wathe gatagati ka maundu mangi.
Ni mutaratara thirikari yugite uri na bata makiria, igikinyiriria aria meguthukirwo kigina giki no nginyagia mekinyie kiumbe hari mutaratara uyu umuthi gutari gutira, kuria maabithaa a thirikari kugerera andiki akaru, maabithaa a wathani maatura hamwe na atongoria matanyitwo kunyitanira thiini wa mutaratara uyu.
Mundu wothe wiyandikithitie agiriirwo gukorwo agikinyia kuria eyandikithitie ari na kibandi kia bururi kuria aria mari na wathe nao no nginyagia makorwo na kandi cia gukurikana kwa wathe wao.
