PATRICK MATASI GUTHII NAMBERE KUHOBANIRIO NI MATHINA KIHIRI

Mathina na mitangiko ya murangiri wa karango muthagathagu Patrick Matasi matiguthiraga matiira,na niekorete haceke ona makiria.Uu ni thutha wa igoti itugiru ria Kakamega guteyaniria mateta make ma kwenda athengerio mahitia maria arecukirwo ma kuoya mbeca na guthagathagia kabira iria inanagio na kimonimoni ta match fixing. Matasi na uria watungatagira timu ya bururi ya kabira ka maguru Harambee Stars eta goalkeeper, arathaithaga igoti kumwehereria ihera riria aragathikagwo ni kiama gia kabira ka maguru guku bururiini Football Kenya Federation,undu uria uguthiite ihiga, igooti rigitikiria kiama giki guthii nambere na matua mao ma kuherithia Matasi.Mweri wa 4 mwaka uyu wa 2025,niguo matasi ekinyirie mbere ya igooti,thutha wa kiama kia fkf kumugathika ihera ria guikara keheriini kwa ihinda ria thiku 90,itua riria riakinyaniirio mweriini wa 3 mwakaini uyu,thutha wa video gutaamba guku nendaini ikionania Matasi na uria watungataga na kirabu gia Kakamega Homeboyz ari ngariini akiaririria marihi ma guthukia kabira.Hari matua ma igooti riri,niati kiama gia fkf nikiraheire igooti gitumi gia kugathika matasi ihera,rikiuga itumi iria muthaki uyu aheete igoti citirari na mithingi oyothe.Kiama gia kabira ka maguru guku bururiini unyitaniriini na kiama gia kabira gaka gitaruini kia africa Confederation of African Football (CAF),undu umwe na kiama gia kabira gia thi FIFA, nimarukire uthuthuria uria matabanirie mbara nginyo thutha ucio,na gukinyaniria matua ma kuherithia matasi.No onakuriouguo matasi niareganiite na mahitia maya kaimana,akiuga video iria yonekire nendaini tiwe wari ho,undu uria kirabu giake gia Kakamega Homeboyz, kimunyitite mbaru na gikoria fkf matabanie uthuthuria mbara nginyo.Maya mookite thutha wa goalkeeper uyu na uria uikaine gukorwo na umenyo munene wa kabira gukorwo ang’urikitie mashabiki nendaini kwa ihinda ria mwaka mugima,undu uria wacungiriirie kenya gutandikwo mbao 4–1 ni imwana cia Cameroon hari ngucanio cia kumatha kanya ga kwamburana nduthuranoini cia 2025 Africa Cup of Nations. Na onathengia wa igooti kwehereria matasi ihera riri mweriini wa 4 mwaka uyu,kiama gia fkf gitiri kiamuitikiria gutungata ngaranganoini oyothe,makiuga ciira wake nourathii nambere.