MIARIO YA WUIGUANO GUTANYWO GUTABANIO BURURI INI NIGUO KUNINA MIGOMO YA LECTURERS
Written by Kayu Digital Team on September 27, 2025
- NAIROBI & ENVIRONS 91.0 | MT KENYA REGION 91.1FM
Ni hakuhi thiku ikumi riu makiri ma arutwo a university cia muingi guku bururi-ini matigitwo matari na wiiki tiga oo guikara micii thutha wa arutani a thukuru ici kugomera wira, undu uria utigite arutwo na githagathago kia mathomo mao.
Ona gukiri uguo miario ya guteithia kunina thina uyu no irathii nambere riu minister wa githomo Julius Migosi akiuga thirikari ni irikitie kurekereria kigina kia ciringi birioni 2.73 hari thiri wa ciringi birioni 7.9 kuringana na wuiguano wa mwaka wa ngiri igiri mirongo eri na imwe ngiri igiri mirongo eri na ithano akiranira ari kuri na mitaratara ya kuriha thiiri uyu wothe.
Mwena-ini wao arutani mathite nambere na kwiruma kini makiuga matigwitikira kunina mugomo uyu angikirwo thirikari ndi kumariha mbeca ciao uria maiguthaniirie.
