DCP KUGUITHIA ARIA MARAHURANAGIRA GITURWA KIA MP WA MBEERE NORTH NA KIAMA KIU

Kiama kia DCP kiria gitongoragio ni uria waari munini wa President Rigathi wa Gachgua, gitigukorwo gikirugamia muhuraniri oro wothe wa giturwa kia mumbunge mwena wa Mbeere North, thiini wa ithurano nini iria itanyitwo gugatabanio mweri wa kenda mwaka uyu

Ndumiriri ino irekereirio ni Gachagua miaraho ya umuthi akiaria na andiki a mohoro kuria Gachagua augite kiama kia DCP gigukorwo gikinyita mbaru muhuraniri wa giturwa kiu rungu rwa kiama kia DP kiria gitongoragio ni ura waari minister wa motungata kuri muingi Justine Muturi

Makiria ya uguo Gachagua augite kiama kia DCP gitikurugamia muhuraniri wa giturwa wa wardi ya Mumbi-ini kaunti-ini ya Makueni na kuuga gikunyita mbaru muhuraniri rungu rwa kiama kia Wiper kiria gitongoragio ni Kalonzo Musyoka

Nakuo mwena wa ward ya Kabuchai DCP yugite ukunyita mbaru muhuraniri wa giturwa kiu rungu rwa kiama kia DAP K kiria gitongoragio ni Eugene Wamalwa

Gachagua augite matua maya ni kuumaana na uiguithanio na atongoria mwahu-ini wa mung’ethaniro idi akauga kiama kiu ni gikarugamia atongoria ngurani ithurano-ini cia mwaka wa 2027 kwanjiriria giturwa-ini kia Upresident