ATONGORIA A THIRIKARI KWAGITHIA KIENE UNYITITHANIA WA MUNG’ETHANIRO BURURI-INI

Kurumirira mucemanio wa atongoria a mung’ethaniro guku Nairobi kiumia-ini, atongoria aria manyitaga thirikari nimanyururitie ngwataniro ino makiuga ndiri na uhoti wa kwenyenyia utongoria wa president wa bururi William Ruto.

Mutongoria wa aria aingi bunge-ini ya Senate, Aaron Cheruiyot unyitaniri na mubunge wa Kimilili Didmus Barasa maugite atongoria aya a mung’ethaniro matingihota ona hanini kwenyenyia kambiini cia president cia 2027.

Miario ya eri aya iroka riri atongoria aya meraniire kunyitanira hari gwakiriria kambiini cia kung’aura thirikari ya ihinda riri 2027, eri aya magikinyiriria ngwataniro ya atongoria a mung’ethaniro ndiramamakia ona hanini.