MBURA YA MBAO ITHATHATU GUTIGA BARCELONA NA INTER MILAN MAUMITE KABATI
Written by Kayu Digital Team on May 1, 2025
- NAIROBI & ENVIRONS 91.0 | MT KENYA REGION 91.1FM
Maburîko ma mbura ya mbao ithathatu nimo maracungiriirie kabati ya mbao 3-3 ikereka-ini ria mbere ria mbitika ya UEFA Champions league gatagatî ka imwana cia Barcelona na Inter Milan.
Mbao cia Inter Milan iraingiririo ni athaki Marcus Thuramu uria uragiri-ire ene mucii thoni na kuingira mbao ya dagika ya mbere rîrî icio ingi cia ihatha hari inwana ici iraingirio ni Denzel Dumfries dagika-ini ya 21 na 63.
Hari Barcelona mbao cia imwana ici iraumire kurî athaki Lamine Yamal dagika-ini ya 24, Ferran Torres dagika-ini ya 38 na muthia marahota kuiganania mbao icio kugerera mbao ya kwiingira dagika-ini ya 65 ya muthaki Yann Sommer.
Ni kagi karahebagirwo nyeki-ini ya mucii kwa Barcelona ikereka-ini ria mbere ria Semi Finals, imwana cia Catalans riu igitigwo na kibarua kinene mbîtîka-inî ya gucokanira kiumia gîguka muthi wa kerî mari tiri-ini wa Italy kuona no nginyagia mahote.
