WAITITU GUCOKA IGOTI-INI UMUTHI IGERIA-INI RIA GUCARIA BONDI

Cira wa uria wari ngabana wa kaunti ya Kiambu Ferdinand Waititu wa kwenda kurekererio na bondi niutanyitwo kugwetwo umuthi mbere ya igoti.

Waititu aracoka igoti-ini thutha wa mucirithania Lucy Njuguna gwitikira atabanie mogaruruku thiini wa cira wake wa kwenda arekio na bondi, kuria wakiri Kibe Mungai ararugamirira Waititu hari cira uyu akienda igoti rimurekererie bondi riri cira wa gutetia itua ria kioho giake urathii nambere.

Waititu akoretwo njera ya Kamitii kuuma atungio kioho kia miaka 12 kana baini ya ciringi mirioni 53, kuuma kuria ataigana gukinyaniria mbeca ici, mucirithania Lucy Njuguna agitanywo na uria wamumiire bondi mweri wa gatatu agitanywo guthikiriria cira uyu ringi umuthi