MP BASHIR GUKUMITHIO NI AKENYA IGURU RIA KUHUTHIA NJURAGANO CIA GEN Z, 2024
Written by Kayu Digital Team on April 30, 2025
- NAIROBI & ENVIRONS 91.0 | MT KENYA REGION 91.1FM
Mubunge wa Mandera Bashir Abdullahi niatetetio ni muingi na njira nene, uu ari thutha wake kuonekana gukinyiriria murugamo wa unyururia wa thinema ya njuragano cia akenya ya ‘Blood Parliament’ ya ceceni ya BBC.
Mubunge uyu atungitio mbukirira ni makiri ma akenya niundu wa gutumuka miario yonekanite iri ya unyururia wa ikuu ici, kuria augite onathengia wa cio bururi no nginyagia uthii nambere, na kuongerera ona kuri na gucaaya guku, ni undu wa oro mutugo wa andu gukua thiini wa thi.
Ni miario yonekanite kuhuthia ngero cia ikuu iria ciaumanire na mirurungano ya Gen Z mwaka muhetuku magitetia watho wa kigina, kuria makiria ma uu onekanite gukumithia ceceni ya BBC iguru ria thinema ino ya uthuthuria akiuria itumi iria icungiririe ona nyumba cia mohoro kuyukia uthuthuria uyu gutari na kuria ciuria.
