SABINA CHEGE KWENDEKITHIA ARUTI WIRA ATHIRIKARI MARIGITAGIRWO THIBITARI-INI CIA MUINGI

Mumbunge wa guthukio Sabina Chege niendekithitie aruti othe a wira thirikari-ine makoragwo makirigitirwo thibitari-ine cia muingi.Sabina atemanitie ndereti ino mbunge-ine ya bururi akiuga undu uyu ni uguteithiriria kwambatiria utungata thibitari-ine cia andu kiumbe na oho gutigirira ni irathukirwo igina njiganu, miario yake igiuka riri mutaratara wa ugima wa meiri ugomeirwo ni mathina kihiri thibitari-ine ici.

Thibitari cia andu kiumbe gukinyirira riu ni irugamitie utungata wa SHA ni kiria maugite ni mathire ma NHIF maria nginyagia umuthi matari mararihwo onathengia ya thirikari gutabania thama ya kuuma mubango-ine uyu nginyagia mubango-ine wa SHA.

Thirikari irikanite gukorwo itathurimire mutaratara uyu mbere ya kwanjia ku urutithia wira na oho gukorwo itekungethanira na mathina maria maugomeire.

Marigitari gikiro-ine gia Clinical Officers onao ni makoretwo makiga miro thi ni kiria maugite ni kwaga gukuruhanio mubango-ine uyu wa ugima wa mwiri wa SHA na oho kwaga gukinyanirio kwa girimiti iria marikanire na thirikari.

Arigiti aria mandikitwo rungu rwa mubango wa UHC no maigite miro thi makienda kurihwo micara yao na oho mandikwo kandarathine ya gutura o ta uria thirikari yamerire.
Ministry ino igomerirwo ni mathina kiondo rita na maria monekete gukorwo mateguthira naihenya tiga gukorirwo na mibango ya naihenya iria iguteithura thina uyu, Sabina akiuga atongoria manjia kurigitirwo thibitari-ine ici nimarihotaga kuririkana mathina ma akenya.